ჟურნალისტი მარკო სტატიისთვის საინტერესო პერსონაჟს ეძებს და ცნობილ ქალს - ტორერო ლიდიას შეხვდება. მათი საქმიანი ურთიერთობა დიდ ვნებიან სიყვარულში გადაიზრდება, მაგრამ ყველა ოცნებას, კორიდაზე დატრიალებული ტრაგედია ამსხვრევს: ლიდია გააფთრებული ხარის თავდასხმისას ძლიერ დარტყმას მიიღებს და კომატოზურ მდგომარეობაში ჩავარდება. მარკო დღეებს და ღამეებს საავადმყოფოში ატარებს და მედძმას ბენინიოს ეცნობა. ის რამოდენიმე წელია კომაში ჩავარდნილ ალისას უვლის, რომელიც თავდავიწყებით უყვარს და საპასუხო გრძნობის იმედიც კი არ გააჩნია. მსგავსება ბედისწერაში აახლოვებს მამაკაცებს, მაგრამ ბენინიო ბედნიერია, მარკო კი იტანჯება. ბენინიო მას რჩევას მისცემს: "ესაუბრე მას". ახლა მხოლოდ იდუმალი ლაპარაკი აერთიანებს შეყვარებულებს, და შესაძლოა, უბრალო სიტყვები ერთხელაც საოცრებას მოახდენენ, რომლის დიდი იმედი აქვთ მარკოს და ბენინიოს.
